Вести, Свет

САД ќе бидат подготвени за напад на Иран до сабота, наведува „Британски Телеграф“

19/02/2026
19:16
Иран, САД

By U.S. Navy photo by Mass Communication Specialist 2nd Class Ridge Leoni – This image was released by the United States Navy with the ID 170408-N-WZ792-198 (next).This tag does not indicate the copyright status of the attached work. A normal copyright tag is still required. See Commons:Licensing.العربية ∙ বাংলা ∙Bahaso Jambi ∙Deutsch ∙ Deutsch (Sie-Form) ∙ English ∙ español ∙ euskara ∙ فارسی ∙ français ∙ italiano ∙ 日本語 ∙ 한국어 ∙ македонски ∙ മലയാളം ∙ Plattdüütsch ∙ Nederlands ∙ polski ∙ پښتو ∙ português ∙ русский ∙ slovenščina ∙ svenska ∙ Türkçe ∙ українська ∙ 简体中文 ∙ 繁體中文 ∙ +/−, Public Domain, https://commons.wikimedia.org/w/index.php?curid=57929855

Британскиот весник Телеграф објави дека американски воени извори ги информирале високите државни претставници во Вашингтон дека САД би можеле да бидат подготвени за почеток на воздушни напади врз Иран до сабота, доколку претседателот Доналд Трамп донесе конечна одлука за тоа.

Според извештајот, голем број американски борбени авиони, поддржувачки летала за дополнување на гориво и голем број поморски сили, вклучително носачите на авиони USS Abraham Lincoln и USS Gerald Ford, се распоредени во близина на Иран со цел да бидат „спремни за воени операции“.

Британски „Телеграф“ прецизира дека само во последните денови околу 50 авиони и други воздухопловни средства се преместени во базите на Блискиот исток, а уште една група бродови се очекува наскоро да пристигне до источниот Медитеранеан, што според весникот би значело дека американските сили би можеле да почнат бомбардирање на Иран доколку Трамп ја издаде наредбата.

Весникот наведува и процена дека, доколку Трамп го одобри нападот, воените операции би можеле да траат недели, со значително ангажирање на воздушни и поморски сили и со поставени системи за одбрана и заштита на сојузниците како Израел.

За сега, Белата куќа и американскиот претседател не дале официјална потврда дека таква одлука ќе биде применета, а дипломатските преговори околу иранската нуклеарна програма се уште траат без пробив што би оддалечил ризикот од конфронтација.