Skip to content
Како што расте кризата на Блискиот исток од воениот конфликт меѓу САД и Израел од една страна и Иран од друга, така расте и загриженоста на македонските граѓани кои овие денови се во земјите на заливот.
Ова дотолку повеќе што некои од земјите од нашето опкружување, како Србија у Бугарија веќе најавија планови за евакуација на граѓаните на нивните земји кои како вработени или како туристи се во замјите на заливот.
Нема прецизна и официјално објавена бројка колку државјани на Северна Македонија живеат во земјите од Заливот, бидејќи тие бројки се менуваат (работни договори, сезонска работа, двојно државјанство) и не сите се регистрирани во дипломатско-конзуларните претставништва.
Но според дипломатски и неформални проценки од иселенички здруженија, станува збор за неколку илјади лица вкупно во регионот.
Приближни проценки по земји:
- Обединети Арапски Емирати – најголема концентрација, веројатно 2.000–3.000 лица, главно во Дубаи и Абу Даби (градежништво, ИТ, угостителство, авијација).
- Катар – неколку стотици до околу 1.000 лица, дел ангажирани во инфраструктурни проекти.
- Саудиска Арабија – неколку стотици, претежно во здравство, образование и инженерство.
- Кувајт и Оман – помали заедници, најчесто по неколку десетици до стотина лица.
- Бахреин – многу мала заедница.
Македонското Министерство за надворешни работи (МНР) не објави детални статистички податоци за точниот број на македонски државјани кои живеат или работат во земјите на Персискиот Залив (како ОАЕ, Катар, Саудиска Арабија итн.). Тоа е типично за министерства за надворешни работи. Тие можат да даваат упатства и помош, но регистрирање на број на државјани во странство не е нивна редовна обврска, освен ако не се јават поединци за конзуларна помош или евакуација.
Но праксата покажува дека овие протоколи треба сериозни да се редизајнираат, особено во традиционално крижзните жаришта како што е Блискиот исток.
Во пракса, бројките што се споменуваат (од неформални извори и медиуми) дека има неколку илјади Македонци во земјите на Заливот се најблиски до реалноста, но не се официјален податок од МНР.