Skip to content
Глобалниот пазар на нафта се соочува со сериозни нарушувања кои во наредните денови би можеле дополнително да се продлабочат, откако војната во Иран го задржа затворен Ормускиот Теснец за танкерите, а САД размислуваат за проширување на воените операции во земјата, пишува денеска Блумберг Адриа.
Според процените на пазарните аналитичари, сегашната ситуација – која трае веќе девет дена – не покажува знаци на брзо смирување. Поради блокадата на теснецот, низ кој вообичаено се транспортира околу една петтина од светската нафта, комерцијалниот бродски сообраќај речиси целосно е запрен.
Растот на ризиците веќе силно се одрази на цените на енергентите. Цената на нафтата Брент минатата недела порасна за околу 30 проценти – најголем скок во последните шест години – и се приближува до психолошката граница од 100 долари за барел.
„Секој дополнителен ден на нарушување го зголемува притисокот, а во таквo сценарио краткорочно речиси и да нема горна граница за цените“, оценува Стефано Грасо, поранешен трговец со нафта и сегашен портфолио-менаџер во инвестициски фонд во Сингапур.