Skip to content
Во просториите на Јуроп Хаус во Скопје денеска напладне ќе го означи почетокот на низа панел дискусии за правата на жените кои ќе се одржуваат во текот на целата година – почнувајќи со Меѓународниот ден на жената и завршувајќи со Меѓународниот ден за елиминација на насилството врз жените, под заеднички наслов: Кој ја плаќа сметката? – Цената на нееднаквоста.
Во најават за оваа серија настани, се истакнува дека родовиот јаз во платите е една од највидливите форми на економска нееднаквост. Иако жените во Северна Македонија сè почесто се високо образовани и активно учествуваат на пазарот на труд, нивната работа останува помалку вреднувана. Разликата во заработката е резултат на структурни фактори: нерамномерна распределба на грижата за домот и семејството, ограничен пристап до лидерски позиции и поголема застапеност на жените во помалку платени сектори.
Родовата разлика во платите во Северна Македонија изнесува околу 12%, што значи дека жените во просек заработуваат помалку од мажите за ист или сличен труд. Ова не е само статистика – последиците од оваа нееднаквост се чувствуваат во секојдневниот живот на многу жени. Помалата заработка значи помала економска независност, поголем ризик од сиромаштија и пониски пензии. Последиците не се само лични – тие влијаат врз семејствата, заедниците и општеството.
Затоа вистинското прашање не е колку заработуваат жените, туку кој ја плаќа цената на
нееднаквоста? Време е да ја донесеме промената, се вели во најавата за кампањата на Делегацијата на ЕУ во нашата земја.