Skip to content
Европската комисија ја рестартира програмата DiscoverEU, во рамките на која повеќе од 40.000 млади луѓе ќе добијат бесплатни билети за патување со воз низ Европа.
Право на аплицирање имаат млади луѓе од Северна Македонија, како и од Србија, Лихтенштајн, Норвешка, Турција и Исланд.
Како можете да учествувате на натпреваро
Оваа година, сите родени помеѓу 1 јули 2007 и 30 јуни 2008 година можат да аплицираат.
Регистрацијата е можна дури и пред да наполнат 18 години, но учесниците мора да бидат полнолетни пред почетокот на патувањето.
Како изгледа апликацијата?
Можете да аплицирате до 22 април на европскиот портал за млади.
Апликацијата може да биде индивидуална или групна, со пет члена.
По аплицирањето, кандидатите мора да решат краток квиз за Европската Унија и едно дополнително прашање, по што Европската комисија и надлежната агенција ќе изберат победници.
Патување до 30 дена во Европа
Избраните учесници ќе можат да возат низ цела Европа во периодот од 1 јули 2026 година до 30 септември 2027 година.
Патувањето може да трае до 30 дена, со максимум седум дена предвидени за возење со автомобил за оние кои со тоа средство треба да стигнат до првата европска железница.
Програма која привлече милиони млади луѓе
Програмата DiscoverEU беше лансирана во 2018 година и досега генерираше огромен интерес.
Според податоците на ЕУ, досега повеќе од 1,9 милиони млади луѓе аплицирале, додека околу 431.000 од нив добиле можност бесплатно да патуваат во Европа.
Оваа иницијатива има за цел да ги доближи младите луѓе до европските земји, култура и можности што ги нуди ЕУ.