Skip to content
Старбакс се откажа од користење на својот систем базиран на вештачка интелигенција за управување со залихи, само девет месеци по неговото воведување, откако технологијата не ги исполни очекувањата и покажала чести грешки во евиденцијата на производите во продавниците, пренесуваат странски медиуми.
Системот бил воведен во Северна Америка како дел од стратегијата за подобро следење на залихите и намалување на недостигот на производи, но во пракса често погрешно ги препознавал артиклите, мешајќи слични типови млеко или целосно пропуштајќи одредени производи на полиците.
Технологијата користела камери и сензори за автоматско скенирање на рафтовите, со цел да се замени рачното броење, но наместо поедноставување на процесот, во дел од случаите создавала дополнителна работа за вработените поради неточните податоци и корекции.
Од компанијата наведуваат дека одлуката за укинување на системот е дел од поширока стратегија за стандардизација на работењето и подобрување на оперативната ефикасност, додека истовремено се најавува фокус на поедноставени и понадежни методи за управување со залихите.
Овој потег доаѓа во период кога Старбакс се обидува да ги стабилизира резултатите и да ги подобри услугите во своите објекти, по серија промени во стратегијата и критики за комплексноста на работењето.
