Жешко до 39 степени, попладне можни дожд и грмежи

Сончево и многу топло време ќе преовладува денеска, 6 август, во Македонија, со мала до умерена локална облачност. Максималната дневна температура ќе достигне до 39 степени.

Во попладневните часови, главно во планинските региони, ќе има услови за краткотраен дожд и ретка појава на грмежи. Ќе дува слаб до умерен ветер од променлив правец.

Во Скопје ќе биде сончево и многу топло, со мала до умерена облачност. Ќе дува слаб до умерен ветер од северозападен правец, а температурата ќе се искачи до околу 37 степени.

УХМР предупредува дека продолжува периодот на многу топло време, со високи температури и во ноќните часови. Локална нестабилност со краткотраен пороен дожд и грмежи е можна и во следните денови.