Skip to content
Тројца мигранти од Судан биле пронајдени скриени меѓу кутии во товарниот дел на грчки камион при детална царинска контрола во Скопје. Случајот бил откриен при проверка на стока пријавена за увозно царинење.
Камионот превезувал стока со потекло од Кина, која била натоварена на пристаништето во Солун. Возилото потоа било пломбирано со грчка царинска пломба.
Според Царинската управа, тројцата судански државјани ја скинале сајлата во предниот дел од товарниот простор и се сокриле меѓу кутиите, каде што биле забележани при контролата.
Ова е четврти случај во последните три месеци во кој царинските службеници откриваат мигранти скриени во товарни возила.
Тројцата мигранти по откривањето биле предадени на Министерството за внатрешни работи за понатамошна постапка.
