Skip to content
Ждрепка за Лигата на шампионите се одржа денеска во Монако, каде што 36-те учесници ги добија своите осум противници во лигашката фаза за сезоната 2026/2027, а извлекувањето донесе пресметки меѓу најголемите европски клубови.
Бранителот на титулата Пари Сен Жермен ќе игра дома против Барселона, а ќе му гостува на Манчестер Сити. Тимот на Луис Енрике ќе се соочи и со Рома, Астон Вила, Галатасарај, Вилјареал, Слован Братислава и Комо.
Реал Мадрид ќе го пречека Интер, додека на гостински терен ќе се сретне со минатогодишниот финалист Арсенал. Мадридскиот клуб за противници ги доби и ПСВ, Рома, Лајпциг, Шахтар, ЛАСК и АЕК Атина.
Арсенал, покрај дуелот со Реал, ќе игра и против Баерн Минхен, Борусија Дортмунд, Лил, Наполи, Славија Прага, Реал Бетис и дебитантот Сабах. Манчестер Сити, пак, покрај ПСЖ и Барселона, ќе се соочи со Наполи, Спортинг, Порто, Лајпциг, Ленс и АЕК.
Манчестер Јунајтед се враќа во европската елита со натпревари против Баерн, Рома, Атлетико Мадрид и Спортинг, додека Ливерпул го очекуваат пресметки со Интер, Атлетико Мадрид, Порто, Вилјареал и Фенербахче.
Секој клуб ќе одигра осум натпревари, четири дома и четири на гости, а сите 36 екипи ќе бидат рангирани на единствена табела. Првите осум директно ќе се пласираат во осминафиналето, додека тимовите од деветтото до 24. место ќе играат плејоф.
Лигашката фаза започнува од 8 до 10 септември и завршува на 27 јануари 2027 година. Точните термини на натпреварите УЕФА ќе ги објави најдоцна до сабота, а финалето ќе се игра на 5 јуни на стадионот „Метрополитано“ во Мадрид.
