Ова се новите цени на бензините и дизелот

Од полноќ стапуваат во сила новите цени на горивата, со значително поевтинување на дизелот и поскапување на бензините. Новите максимални малопродажни цени ќе важат од 1 септември во 00:01 часот.

ЕУРОДИЗЕЛ поевтинува за 6,50 денари за литар и од полноќ ќе се продава по максимална цена од 95 денари за литар.

Бензините, пак, поскапуваат за по еден денар. ЕУРОСУПЕР БС-95 ќе чини 94 денари за литар, додека ЕУРОСУПЕР БС-98 ќе се продава по цена од 96 денари за литар.

Екстра лесното масло за домаќинство поевтинува за 3,50 денари и новата цена ќе изнесува 97 денари за литар.

Намалување има и кај мазутот М-1 НС, кој поевтинува за 1,166 денари за килограм и ќе се продава по цена од 44,410 денари за килограм.

Новите цени доаѓаат по редовната пресметка на Регулаторната комисија за енергетика, која еднаш неделно ги утврдува највисоките малопродажни цени на нафтените деривати.