Skip to content
Белата куќа го претстави американскиот претседател Доналд Трамп како суперхеројот Зелен Фенер во ново видео создадено со помош на вештачка интелигенција. Клипот беше објавен на 7 септември на официјалниот профил на претседателската администрација на САД во X.
Во видеото од 27 секунди, Трамп е прикажан со светлечки зелен прстен – еден од најпрепознатливите симболи на херојот од универзумот на DC Comics. Претседателот ги користи своите „моќи“ во серија сцени што се однесуваат на клучните политички пораки на неговата администрација.
Трамп како Зелен Фенер
Во една од сцените, Трамп создава огромна зелена бариера на границата, која спречува група луѓе да се приближуваат. Снимката е референца на политиката на администрацијата за нелегалната имиграција.
In brightest day, in blackest night, no evil shall escape my sight. Let those who worship evil's might beware my power… Green Lantern's light! pic.twitter.com/mXWr0zeyLC
— The White House (@WhiteHouse) September 7, 2026
Во други сцени се прикажани фабрики со натпис „Американско производство“, како и американски воени авиони и бродови, обвиткани во карактеристичната зелена светлина на ликот.
Белата куќа го придружува видеото со познатата заклетва на Зелениот Фенер.
„Во најсветлиот ден, во најтемната ноќ, ниедно зло нема да ми избега од вид“, започнува пораката.
Објавата завршува со предупредување до злото да се чува од моќта на „светлината на Зелениот фенер“.
Видеото се појави во позадина на новата серија „Фенери
Објавувањето на видеото се совпадна со емитувањето на нвата епизода од серијата на HBO „Фенери“.
Сепак, Белата куќа не ја спомена серијата, DC Studios или Warner Bros. Discovery во својата објава. Во моментов нема официјално соопштение за поврзаност помеѓу продукцијата и видеото од претседателската администрација.
Трамп е прикажан како Супермен и претходно
Ова не е прв пат Белата куќа да користи слики од популарната култура за да го прикаже Трамп.
Во јули 2025 година, официјалниот профил на администрацијата на Твитер објави слика од претседателот како Супермен со пораката „Симболот на надежта. Вистина. Правда. Американски начин“.
Администрацијата, исто така, користеше и други референци за популарни филмови и видео игри во своите комуникации.
