Skip to content
Регулаторната комисија за енергетика ги утврди новите максимални малопродажни цени на горивата, со значително поскапување на дизелот и пониски цени на бензините.
ЕУРОДИЗЕЛ БС (Д-Е V) поскапува за 5,5 денари и новата максимална цена ќе изнесува 104,50 денари за литар. Досега дизелот се продаваше по најмногу 99 денари за литар.
Двата бензина, пак, поевтинуваат за по 1,5 денар. ЕУРОСУПЕР БС-95 ќе чини најмногу 99 денари за литар, додека ЕУРОСУПЕР БС-98 ќе се продава по максимална цена од 101 денар за литар. Досегашните максимални цени беа 100,50 денари за БС-95 и 102,50 денари за БС-98.
Поголемо намалување има кај екстра лесното масло за домаќинство ЕЛ-1. Неговата цена се намалува од 109,50 на 102,50 денари за литар, односно за седум денари.
Мазутот М-1 НС, од друга страна, поскапува. Новата максимална цена изнесува 50,078 денари за килограм, во споредба со досегашните 48,243 денари, што е зголемување од 1,835 денари за килограм.
Новите максимални цени се:
- ЕУРОСУПЕР БС-95 – 99,00 денари за литар
- ЕУРОСУПЕР БС-98 – 101,00 денар за литар
- ЕУРОДИЗЕЛ БС – 104,50 денари за литар
- Екстра лесно масло ЕЛ-1 – 102,50 денари за литар
- Мазут М-1 НС – 50,078 денари за килограм
Станува збор за највисоки дозволени малопродажни цени, што значи дека трговците можат горивата да ги продаваат и по пониски цени.
