Угинати животни од Зоолошката во „Дрисла“, АХВ најавува проверки

Агенцијата за храна и ветеринарство (АХВ) најави контрола во скопската Зоолошка градина по дописот што дел од вработените го испратиле до „Слободен печат“. Во него тие тврдат дека дел од угинатите животни од Зоолошката биле однесени на депонијата „Дрисла“ без да се извести Агенцијата и без да се утврди причината за угинувањето.

Од „Дрисла“ потврдиле за весникот дека годинава примиле угинати животни од Зоолошката градина. Навеле ноеви во март и август, а кенгур и птица ему во јуни. Одговорот на депонијата го потврдува приемот, додека прашањето дали пред транспортот биле направени ветеринарни испитувања е дел од наводите што АХВ најави дека ќе ги провери.

Од Зоолошката градина велат дека работат според законските прописи и ветеринарните протоколи. Објаснуваат дека соработуваат со Факултетот за ветеринарна медицина за испитувања и обдукции, а за поединечните случаи ќе можат да се произнесат по проверка на документацијата и стручните наоди.

За еден од случаите во дописот, бегството на волците кон крајот на јуни, АХВ вели дека тогаш добила официјално известување и спровела вонреден надзор. Според Агенцијата, во инцидентот биле усмртени четири птици ему и три валаби, а нивните тела биле отстранети под надзор на официјален ветеринар.

АХВ најави дека ќе ги провери и другите конкретни случаи посочени во дописот. Град Скопје, според „Слободен печат“, до објавувањето на написот не одговорил на прашањата на весникот.

Рацин.мк ве прашува:

Кој најмногу придонесува говорот на омраза да стане нормална појава во Македонија?

Најчитано

Рацин.мк ве прашува:

Кој најмногу придонесува говорот на омраза да стане нормална појава во Македонија?