Најмалку 23 лица загинаа во напад на воена зграда во северозападен Пакистан

 Најмалку 23 лица загинаа денеска во напад врз воена зграда во северозападен Пакистан.

Група поврзана со пакистанските талибанци ја презеде одговорноста за, како што се верува, самоубиствен напад, соопштија официјални лица.

-Жртвите се убиени додека спиеле, а биле облечени во цивилна облека. Се утврдува дали сите жртви се војници, изјавил неименуван функционер.

Во нападот се ранети најмалку 27 лица.

Пакистанската војска не излезе со соопштение во врска со нападот.