Skip to content
Владата на Косово бара од земјите членки на ЕУ да го отфрлат предлогот на Европската комисија, според кој косовските Срби со пасоши издадени од Директоратот за координација на Србија можат да влезат во Унијата без визи, пишува денеска бриселскиот портал Политико.
Според сегашните прописи, сопоственици на пасоши од 61 земја можат да влезат во ЕУ без виза и да останат на нејзина територија до 90 дена. Меѓу нив има и државјани со српски пасоши, освен оние што им ги издава Координативната управа на Србија на косовските Срби. Европската комисија предложи да се отстрани таа клаузула, пренесе Бета.
Во писмото од Владата на Косово, кое го видела новинарката на Политика, Антоанета Руси, пишува дека предлогот на Европската комисија е „во директна спротивност со принципите на суверенитет, правен интегритет и напорите за нормализација“, пренесе Бета.
Во ноември, Европската комисија предложи укинување на визите за влез во ЕУ за жителите на Косово со пасоши издадени од Директоратот за координација на Србија, но Европскиот совет и Европскиот парламент се уште не се огласија за тоа.
Сопстениците на косовски пасоши од почетокот на оваа година можат да влезат во ЕУ без визи.
