Неколку илјади Пакистанци се вратија дома од Киргистан по напади врз странци

 Повеќе од 3.000 пакистански државјани, главно студенти, се вратија дома од Киргистан во текот на изминатата недела по бранот напади врз странци во земјата, изјави пакистанскиот министер за надворешни работи и вицепремиер Ишак Дар.

Пакистан користеше специјални и комерцијални летови за време на викендот за да ги врати тие луѓе дома.

Враќање на Пакистанците со авион е најавени и за денеска, со што нивниот број ќе биде над 4.000.

Дар на прес-конференција рече дека „ситуацијата е под контрола“ во главниот град на Киргистан, Бишкек, и оти локалните власти апсат луѓе кои нападнале странци, вклучително и Пакистанци.

Дар додаде дека илјадници пакистански државјани работат и студираат во Киргистан и сакаат да се вратат дома.

Тој рече дека претходниот ден го посетил Бишкек, каде што се сретнал со високи владини претставници, како и со Пакистанци кои живеат таму. јт/

Фото: ЕПА – Заменик-премиерот и министер за надворешни работи на Пакистан Мохамад Исхак Дар и заменик-премиерот на Киргистан Едил Баисалов во посета на пакистански државјанин во болница во Бишкек, Киргистан, 21 мај 2024 година.