Skip to content
Основниот суд во Приштина во четвртокот им одреди едномесечен притвор на двајца мажи, кои беа уапсени ден претходно под сомнение за шпионажа со српската БИА, пренесуваат косовските медиуми.
Во Тирана е разбиена шема за измама со стипендии во САД. Се сомнева дека шемата ја поставил службеник за образование на локално ниво, дел од Генералната дирекција за предуниверзитетско образование во Министерството за образование, известуваат албанските медиуми.
Во продолжение се поместени содржините од редакцискиот избор на ЦИВИЛ Медиа, од албанските медиуми во регионот за денешното издание на АЛ-Прес.
КОСОВО
РСЕ: Едномесечен притвор за двајцата осомничени за шпионажа
Основниот суд во Приштина во четвртокот им одреди едномесечен притвор на двајца мажи, кои беа уапсени ден претходно под сомнение за шпионажа, пренесува Радио Слободна Европа.
Во соопштението доцна во четвртокот судот соопшти дека судијата го прифатил барањето на обвинителот за определување притвор против обвинетите Б.Ш и М.Ќ, осомничени за шпионажа.
РТВ 21: Пратениците на Бундестагот го поддржија предлогот на германската влада за продолжување на мандатот на мисијата КФОР на Косово
Огромното мнозинство претставници во германскиот парламент, Бундестагот, се за продолжување на двете мисии на Бундесверот на Балканот. Покрај трипартиската владејачка коалиција (СПД, Зелените и Либералите), својата поддршка на предлогот на германската влада за продолжување на мандатот на мисијата КФОР во Косово во средата (5-ти јуни) дадоа и демохристијанските опозициски партии ЦДУ и ЦСУ. во читањето прво.
„Потребен ни е оперативно способен КФОР за да го намали тековниот потенцијал за конфликт и ескалација на северот на Косово и на границата со Србија“, рече претставникот на демохристијаните во Бундестагот, одговорен за одбранбена политика, Флоријан Хан (ЦСУ), пренесе РТВ 21.
Балкан Веб: Западните дипломати ја критикуваат владата на Косово за експропријација на земјиште во северниот дел на земјата
Амбасадите на Соединетите Американски Држави, Франција, Германија, Италија, Обединетото Кралство заедно со Канцеларијата на Европската Унија во Косово и Мисијата на Косово на Организацијата за безбедност и соработка во Европа во четвртокот изразија жалење за одлуката на косовската влада да ги експроприра 100-те парцели во општините со српско мнозинство на север, пренесе Балкан Веб.
АЛБАНИЈА
Топ Чанел: Со 73 гласа „за“, Собранието го изгласа составот на Специјалната комисија за антикорупција и дезинформација
Албанското собрание го изгласа составот на Посебните комисии за „Антикорупциска“ со 73 гласа „за“, 7 против и 1 воздржан и Комисијата за „дезинформации“ со 73 гласа „за“ и 7 против и без воздржани.
Формирањето на комисиите критичарите ги опишаа како партиска иницијатива, дизајнирана да се бори против негативниот публицитет за случаите на корупција во кои се вмешани поранешни политичари од владејачката партија, пренесува Топ Чанел.
Газета Експрес: Во Тирана откриена шемата за измама со стипендии за студии во САД
Во Тирана е разбиена шема за измама со стипендии во САД. Се сомнева дека шемата ја поставил службеник за образование на локално ниво, дел од Генералната дирекција за предуниверзитетско образование во Министерството за образование во соработка со друг граѓанин, пренесува Газета Експрес.
Станува збор за проект познат како „“Let’s Talk Together About US24“.
Шемата за измама најпрво ја осуди американската амбасада која преку соопштение за медиумите јасно стави до знаење дека проектот не е поврзан со Амбасадата, и го вклучи алармот да ги информира граѓаните да внимаваат да не станат плен, „бидејќи оваа група не е поврзана „со Стејт департментот или американски образовни програми“.
КОЛУМНА
Коха: Косово самото одлучи да го отфрли нацртот на Заедницата пред да влезе во Советот на Европа
„Неверојатно е дека Владата на Косово навистина веруваше дека со писмо од МНР во последен момент може да ги премисли главните земји и да гласа за прием на Косово во Советот на Европа. Но, се чини дека по внимателни пресметки, Владата одлучи дека штетата од започнувањето на процедурата за формирање на Заедница на општини со српско мнозинство ќе биде поголема од користа од членството во Советот на Европа.
Тоа беше пропуштена шанса која нема да се повтори наскоро. Но дали било грешка или не е прашање на толкувања и позиции. Одговорноста е на Владата, која исто така има мандат да одлучува како што смета најдобро.“, пишува авторот Аугустин Палокај во колумната „Косово самото одлучи да го отфрли нацртот на Заедницата пред да влезе во Советот на Европа“, објавена во Коха.
