По спорот за паузите, опозициските прашања се враќаат во Собранието

фото: Радослав Ботев

Опозицијата денеска повторно ќе поставува прашања до Владата, шест дена по прекинот на седницата на 12 ноември. Продолжувањето е договорено по несогласувањата околу тоа дали паузите го трошат времето од двата часа предвидени за опозициски пратенички прашања.

Претседателот на Собранието, Африм Гаши, објасни дека спорот произлегол од различни толкувања на Деловникот. Според неговото дотогашно толкување, времето почнало да тече по утврдувањето на дневниот ред во 11.30 часот, а во него влегувале и побараните паузи.

По координацијата со пратеничките групи, постигнат е договор во иднина паузите да не се пресметуваат во времето за прашања. Гаши го опиша договорот како џентлменски и повика да се внимава со барањата за прекини.

Тој се осврна и на присуството на министрите, оценувајќи дека тоа е подобрено во споредба со претходните години. Според Гаши, кај опозициските прашања однапред се знае кој треба да одговара, а министрите кон кои не е упатено прашањето не мора постојано да седат во салата.

По прашањата, пратениците треба да продолжат со работата по 130. седница. На дневен ред се измени на законите за градежното земјиште и за градење, кадровски одлуки, финансискиот план на Регулаторната комисија за енергетика за 2027 година и предлог-резолуцијата за миграциската политика.

Рацин.мк ве прашува:

Кој најмногу придонесува говорот на омраза да стане нормална појава во Македонија?

Најчитано

Рацин.мк ве прашува:

Кој најмногу придонесува говорот на омраза да стане нормална појава во Македонија?