Skip to content
Високиот претставник на ЕУ за надворешна политика и безбедност Жозеп Борел изјави дека очекува ЕУ да ги укине постепено но бргу санкциите за Косово, јавуваат косовските медиуми.
Судот во Тирана им одреди мерки „куќен притвор“ и „должност за јавување“ на осум лекари од Онколошката болница, поради продажба на болнички лекови на приватни субјекти, пренесуваат албанските медиуми.
Во продолжение се поместени содржините од редакцискиот избор на ЦИВИЛ Медиа, од албанските медиуми во регионот, за денешното издание на АЛ-Прес.
КОСОВО
РТВ 21: Борел очекува ЕУ да ги укине санкциите против Косово
Високиот претставник на ЕУ за надворешна политика и безбедност Жозеп Борел одржа прес-конференција во понеделникот. Борел зборуваше за прашањето за казнените мерки против Косово, велејќи дека очекува тие да бидат отстранети.
„Ако овие санкции се укинат, се надевам дека ќе биде така. Барем тоа е мојот предлог. Дури и во постепена форма, но брзо. Ова може да создаде сценарио каде што не велам дека дијалогот ќе се рестартира, но барем нема да заврши нагло. Двајцата лидери не се сретнаа долго време во рамките на дијалогот и не сакам да се откажам пред крајот на мојот мандат“, рече Борел, пренесе РТВ 21.
Клан Косова: Стејт Департментот му препорачува на Косово да воведе соодветни казни за трговија со луѓе
Американскиот Стејт департмент го објави својот годишен извештај за трговијата со луѓе ширум светот.
Со својата објава државниот секретар Ентони Блинкен рече дека документот дава најсеопфатна проценка на феноменот како и напорите на владите да се борат против него, пренесува Клан Косова.
Косово и годинава, исто како и лани, е рангирана во категоријата земји од второ ниво.
Во извештајот се наведува дека Владата покажала севкупни зголемени напори во однос на претходниот период. Тие вклучуваа казнување на сите трговци со луѓе со затвор, онаму каде што е соодветно, и не изрекување на каква било казна освен парична казна.
Извештајот препорачува енергична истрага и гонење на злосторствата за трговија со луѓе и соодветно казнување за трговците со луѓе, вклучувајќи ги и службениците кои соработуваат со нив.
АЛБАНИЈА
Досја: „Шема за продажба“, истрага за дрога, судот во Тирана им одреди „куќен притвор“ и „обврска да се јават“ на 8 лекари од Онколошката болница
Судот во Тирана им одреди 8 мерки „куќен притвор“ и „должност за јавување“ на лекарите од Онколошката болница.
Ваквата одлука е донесена на барање на обвинителството во Тирана, каде што има истрага за проблемот со лековите за хемотерапија.
Станува збор за истрага на обвинителството во Тирана која успеала да открие шема според која лекари од Онколошката болница продавале болнички лекови на приватни субјекти, пренесе Досја.
Ора Њуз – Долината Вјоса во УНЕСКО, Кумбаро: Се состанува техничката група за подготовка на досието
Албанските власти веќе почнаа да работат на вклучување на Вјоса на листата на светски имоти заштитени од УНЕСКО, во рамките на програмата „Човекот и биосферата“.
Министерката за туризам и животна средина, Мирела Кумбаро денеска соопшти дека на брегот на Дрим во Тепелена е одржан состанок на локалната техничка група за подготовка на досието за вклучување на долината Вјоса во програмата „Човекот и биосферата“ на УНЕСКО, пренесува Ора Њуз.
КОЛУМНА
Панорама: Апсурдот версус „правната држава“!
„Фразата „Правна држава“ е една од најкористените на политичкиот бином СП-ПД на полето на надворешниот, а помалку на внатрешниот дискурс. Нагласуваме внатрешно, бидејќи често оние што го користат од политичарите тешко дека ќе го сфатат во суштина, а од друга страна, апсурдот е тој што навистина нè соочува и го поткопува целото значење на „правната држава“.
Развојот и соочувањето на овој концепт преку почитување на нашиот Устав, кој е изменет неколку пати, покажа многу проблеми, кои теоретичарите на Правдата добро ги објаснија“, пишува авторот Бен Андони во колумната „ Апсурдот версус „правната држава“!“, објавена во дневникот Панорама.
Подготви: Д. Тахири (ЦивилМедиа)
