Амбасадата на Јапонија го имаше задоволството да ја организира патувачката изложба на големите јапонски мајстори за дрворези од 17ти и 18ти век – „Јапонскиот лебдечки свет“.
По повод 30 години од вопоставување на дипломатските односи помеѓу Јапонија и Северна Македонија, 30 УКИЈО-Е реплики патуваа од Велес кон Прилеп, Ресен, Охрид, Македонски Брод, Свети Николе, Неготино, Гевгелија и Богданци. Во секој град ученици имаа можност да дознаат повеќе за уметноста и животот за време на Едо периодот кога се создавале дрворезите кои биле инспирирани од женската убавина, кабуки театорот, сумо борачите, флората и фауната итн. Дрворезите имале огромно влијание и врз француските импресионисти како и европските пост-импресионисти.
![](https://mia.mk/articles/images/%D0%BF%D0%B0%D1%82%D1%83%D0%B2%D0%B0%D1%87%D0%BA%D0%B0%D0%B8%D0%B7%D0%BB%D0%BE%D0%B6%D0%B1%D0%B0%D1%98%D0%B0%D0%BF%D0%BE%D0%BD%D1%81%D0%BA%D0%B8%D0%BE%D1%82%D0%BB%D0%B5%D0%B1%D0%B4%D0%B5%D1%87%D0%BA%D0%B8%D1%81%D0%B2%D0%B5%D1%82%D0%B2%D0%BE%D0%BE%D1%80%D0%B3%D0%B0%D0%BD%D0%B8%D0%B7%D0%B0%D1%86%D0%B8%D1%98%D0%B0%D0%BD%D0%B0%D0%B0%D0%BC%D0%B1%D0%B0%D1%81%D0%B0%D0%B4%D0%B0o5o8x/zqEanCDo4/medium.webp?use_watermark=0)
Последната изложба ја отворија Амбасадорот Оцука, г. Антонио Димитров, директор на Културно информативниот центар – Скопје (КИЦ), г-а Маја Стефкова од „АОТС Македонија“ како и кураторот на изложбата г-а Јасмина Намичева.
![](https://mia.mk/articles/images/%D0%BF%D0%B0%D1%82%D1%83%D0%B2%D0%B0%D1%87%D0%BA%D0%B0%D0%B8%D0%B7%D0%BB%D0%BE%D0%B6%D0%B1%D0%B0%D1%98%D0%B0%D0%BF%D0%BE%D0%BD%D1%81%D0%BA%D0%B8%D0%BE%D1%82%D0%BB%D0%B5%D0%B1%D0%B4%D0%B5%D1%87%D0%BA%D0%B8%D1%81%D0%B2%D0%B5%D1%82%D0%B2%D0%BE%D0%BE%D1%80%D0%B3%D0%B0%D0%BD%D0%B8%D0%B7%D0%B0%D1%86%D0%B8%D1%98%D0%B0%D0%BD%D0%B0%D0%B0%D0%BC%D0%B1%D0%B0%D1%81%D0%B0%D0%B4%D0%B0kQ6I4/TXPkuKXhs/medium.webp?use_watermark=0)
Цртежите на децата кои учествуваа во работилниците се изложени исто така и секое дете доби сертификат за учество, додека Амбасадорот Оцука и „АОТС Македонија“ добија УКИЈО-Е реплика од Тошусаи Шараку.
![](https://mia.mk/articles/images/%D0%BF%D0%B0%D1%82%D1%83%D0%B2%D0%B0%D1%87%D0%BA%D0%B0%D0%B8%D0%B7%D0%BB%D0%BE%D0%B6%D0%B1%D0%B0%D1%98%D0%B0%D0%BF%D0%BE%D0%BD%D1%81%D0%BA%D0%B8%D0%BE%D1%82%D0%BB%D0%B5%D0%B1%D0%B4%D0%B5%D1%87%D0%BA%D0%B8%D1%81%D0%B2%D0%B5%D1%82%D0%B2%D0%BE%D0%BE%D1%80%D0%B3%D0%B0%D0%BD%D0%B8%D0%B7%D0%B0%D1%86%D0%B8%D1%98%D0%B0%D0%BD%D0%B0%D0%B0%D0%BC%D0%B1%D0%B0%D1%81%D0%B0%D0%B4%D0%B0BdPz1/LmVhCWA4Y/medium.webp?use_watermark=0)
УКИЈО-Е принтовите се донација од Друштвото на македонско-јапонско пријателство и соработка и патуваа благодарение на г. Горан Антевски, „АОТС Македонија“ и Раде Кончар ТЕП на иницијатива на г. Јасмина Намичева („МузеумЛинк“ и „Архифакт“) и Амбасадата на Јапонија. Финалното изложување е овозможено од г. Антонио Димитров и тимот на КИЦ, поддржано и од Пивара Скопје и Тиквеш. Изложбата во Скопје ќе биде достапна до 5ти јули.