Ја надминавме бројката од 17 илјади вработени во компаниите во ТИРЗ

Во компаниите во технолошки индустриски развојни зони со средината на ова година „пробиена“ е бројката од 17 илјади вработени, соопшти денес на брифинг со новинарите директорот на Дирекцијата на ТИРЗ, Јован Деспотовски.

„Ја ‘скршивме’, односно ја надминавме бројката од 17 илјади вработени во зоните“, рече Деспотовски.

Тој посочи дека на крајот на минатата година во зоните имало 16.230 вработени, а на средината на оваа година биле регистрирани на 17.047 лица кои што работат во некоја од компаниите во рамки на ТИРЗ.

„Очекувам дека бројката ќе продолжи да расте“, рече Деспотовски.

Лани, како што додаде за 12 месеци имало пораст од 2 илјади нови работни места. Тој очекува годинава номинално да биде достигната оваа бројка, а се надева дека ќе биде и поголема.

„Ова се должи пред се на засилената динамика на вработување, односно на ангажирање на луѓе кои што се реализираат заради новите договори кои што се потпишани во изминатите години“, рече Деспотовски, објаснувајќи дека процентуално, бројот на вработени во првото полугодие оваа година во компаниите во ТИРЗ е поголем за пет отсто.

Треба да знаете
Moже да ве интересира