Skip to content
Премиерот Христијан Мицкоски вечерва на прес-конференција изјави дека денешниот ден е најтежок во неговиот живот, а трагедијата во Кочани е најстрашното искуство до сега. Тој изрази разочараност од длабококорумпираниот систем.
Мицкоски нагласи дека објектот каде се случила несреќата имал фалсификувана лиценца, издадена во март минатата година, по пат на мито. Тој објасни дека било забележано дека објектот бил пријавен како комуникација со странски инвеститори за кабаре, а не како дискотека.
„Ова е документ издаден за кабаре, потписот е на бившите надлежни“, рече Мицкоски, барајќи кривична одговорност без милост за сите одговорни.
„Потребна е и демонстрација на морална одговорност“, додаде тој. „Не ми е потребна власт по секоја цена. Јас треба да го демонстрирам мојот пример. Треба ли корумпираниот систем да победи? Во следниве денови ќе преземеме конкретни чекори. Тоа ви го должам вам и на семејствата на жртвите. Системот мора да се ресетира. Мора да покажеме нешто различно како политичари. Или ќе успееме, или нема да постоиме како држава. Корупцијата мора да се стави крај. Ова не е меѓупартиска битка, туку битка меѓу чесните и нечесните. Јас сум решен. Ќе има одлучни чекори и одлуки. Благодарам на сите пријатели што ни помагаат“, изјави Мицкоски.
Одговарајќи на прашање дали ќе го разреши директорот на Пазарниот инспекторат, тој одговори дека нема законска основа за негово разрешување бидејќи во ниту еден закон не пишувало дека треба да се поверуваат објекти 365 дена во годината. Претходно, министерот за внатрешни работи, Панче Тошковски, изјави дека ниту градоначалникот на Кочани, кој е од ВМРО-ДПМНЕ, не е надлежен во оваа ситуација.
