Пожари и апсења во Ерусалим: Израел се соочува со криза, пристигнува странска помош

Израелската полиција уапси три лица под сомнение дека предизвикале неколку пожари во близина на Ерусалим, во кои денеска се повредени најмалку 12 лица, меѓу кои и две бебиња.

„Тајмс оф Израел“ наведува дека идентитетот на осомничените, како и нивниот мотив, сè уште не се познати.

Израелската противпожарна и спасувачка служба соопшти дека имало најмалку пет пожари во ридовите во близина на Ерусалим и дека неколку заедници биле евакуирани, додека еден пат бил затворен.

Канал 12 објави дека Италија и Грција испраќаат помош во Израел, а се очекува авионите да пристигнат за неколку часа.

Палестинската власт, исто така, понудила помош во форма на противпожарни екипи, што веќе се случило и во минатото, но Израел сè уште не одговорил на понудата, рекол безбедносен извор за „Тајмс оф Израел“.