Најголемиот сообраќаен метеж во историјата траел 12 дена и бил долг 96 километри

Најголемиот сообраќаен метеж во историјата траел 12 дена и се протегал речиси 100 километри. Настанот бил толку извонреден што ги освоил насловите низ целиот свет, потсетува supercarblondie.com.

Инцидентот се случил во 2010 година во Кина, каде што сообраќајните метежи секогаш достигнуваат невидени нивоа, но овој инцидент сепак бил уникатен. Приказната започнала на 14 август 2010 година. Сообраќајот се движел по автопатот G110, кој се протега во близина на границата на покраината Хебеј и Внатрешна Монголија.

Главната причина за сериозните проблеми бил огромниот број камиони на автопатот. Покрај тоа, бројните проекти за изградба на патишта го намалиле капацитетот на патот за половина, што довело до неверојатни метежи на автопатот. Се проценува дека обемот на сообраќај го надминал проектираниот капацитет на патот за 60%. Затоа, не е изненадувачки што сообраќајот на автопатот речиси запрел.

Многу возачи пријавиле дека поминувале само околу 1 километар дневно. Како резултат на тоа, најдолгиот сообраќаен метеж во светот траел 12 дена и се протегал речиси 96 километри.

Но, додека возачите страдаа ужасно, мештаните што живееја во близина на автопатот најдоа светла страна во сообраќајниот метеж: можност да заработат пари. Возачите беа принудени да плаќаат претерани цени за стоки како инстант тестенини и цигари. Шише вода што чинеше 1 јуан се продаваше за 10 јуани.

За да избегнат страдања и ризици по здравјето, возачите го поминуваа времето спиејќи, шетајќи и играјќи игри како шах.

До 26 август, сообраќајниот метеж беше речиси целосно расчистен. Властите побараа од камионските компании да ги прекинат испораките или да користат заобиколни патишта, а исто така дозволија повеќе камиони да влегуваат во Пекинг ноќе.