Уништена е криминална косовско-албанска група за трговија со оружје

Криминална група за трговија со оружје која била активна на Косово и Албанија е уништена по деветмесечна истрага на Специјалното обвинителство на Косово со Обвинителството на Основниот суд на општата надлежност во Тирана.

Во двете држави се уапсени вкупно 14 лица. Осуммина осомничени се уапсени на Косово и испратени во притвор, од кои шест државјани на Косово, додека двајца државјани на Албанија. А уште шестмина се уапсени во Албанија.

Косовската полиција на 10 декември проверила девет имоти на осомничените и пронашла 29 пиштоли, три одземени долги пиштоли од различни модели, 2635 чаури/муниција од различни модели, две возила и друга опрема.

Веста ја соопшти Специјалното обвинителство на Република Косово.

Во меѓувреме, на 11 декември, под раководство на Обвинителството на Основниот суд од Општата надлежност на Тирана, беше спроведена акцијата за извршување на наредби за апсење на 6 лица и контрола на станови. Во оваа акција приведени се 6 лица за сторени кривични дела „Трговија со оружје и муниција“.

При оваа акција запленети се 22 огнено оружје „Зораки“, едно огнено оружје Ак 47, офанзивна рачна бомба и 470 чаури од различни видови. Запленети се и 3 возила и значителна сума пари и 10 мобилни уреди.