Skip to content
Владата на Србија денес ќе одржи вонреден состанок, по што премиерот Ѓуро Мацут ќе се обрати до јавноста со предлог за распуштање на Народното собрание, соопшти владата.
Состанокот е закажан за 15:30 часот по српско време, а по завршувањето, Мацут ќе го презентира својот предлог. Распуштањето на парламентот е неопходна постапка, за да можат да се закажат предвремени парламентарни избори.
Српскиот претседател Александар Вучиќ претходно објави дека изборите ќе се одржат на 18 или 25 октомври и дека ќе ги закаже најдоцна за 9 или 10 септември.
Српското законодавство предвидува парламентарните избори да ги закажува претседателот. Помеѓу датумот на кој се објавени изборите и спроведувањето на гласањето, не смее да има помалку од 45, а не повеќе од 60 дена.
