Skip to content
Јапонски возач автобусa со 29 години работно искуство го изгубил правото на отпремнина за пензија од 73.000 евра, откако добил отказ заради украдени шест евра од парите дадени за автобуски карти.
Град Киото го отпуштил возачот, чије име не е откриено, откако бил фатен на безбедносна камера во автобусот дека проневерил шест евра (1.000 јени) во 2022 година.
Инцидентот се случил кога група од пет патници влегла во автобусот и им било наплатено 1.150 јени. Возачот побарал од групата да стави 150 јени во монети во кутијата за плаќање на картите и лично земал банкнот од 1.000 јени (шест евра), која не ја пријавил.
Иако бил снимен, возачот на автобусот, кој според пресудата повеќепати бил укоруван за различни инциденти, се обидел да ги демантира фактите за време на разговорот со претпоставените.
По одлуката да му се одземе отпремнината, возачот го тужел градот, а првостепениот суд одлучил во негову корист, пресудувајќи дека казната е претерена.
Случајот потоа бил предаден на Врховниот суд, кој пресудил во корист на градот и ја потврдил првобитната казна.
