Белоруска туристка пронајдена почината во хотел во Охрид

Педесет и тригодишна туристка од Белорусија утрово била пронајдена почината во хотел во Охрид.

Случајот бил пријавен во СВР Охрид во 7:45 часот. Починатата е идентификувана како И.Т. (53) од Белорусија.

На местото пристигнала екипа на Итната медицинска помош, чиј лекар ја констатирал смртта.

По насоки на јавен обвинител, телото на починатата туристка е предадено на обдукција, со која треба да бидат утврдени причините за смртта.

Од Министерството за внатрешни работи соопштија дека се преземаат мерки за целосно расчистување на случајот.