Данска ја прекина, но Германија ја продолжува истрагата за експлозијата на гасоводите „Северен тек“

Генералното обвинителство на Германија ја продолжува истрагата за експлозијата на гасоводите „Северен тек 1“ и „Северен тек 2“, изјави портпаролката на обвинителството, Инес Петерсон.

„Се што можам да ви кажам е дека нашата истрага продолжува“, рече Петерсон.

Претходно на веб-страницата на безбедносните власти на Данска беше објавено дека данската полиција ја прекина истрагата за експлозиите на гасоводите „Северен тек 1“ и „Северен тек 2“, а властите на таа земја заклучија дека има намерна саботажа на гасоводите.

Како што се наведува, во Данска не нашле доволно основа за поведување кривична постапка во врска со гасоводите „Северен тек“.

Шведскиот обвинител Матс Јунгвист на почетокот на февруари објави дека истрагата за експлозиите на гасоводите „Северен тек 1“ и „Северен тек 2“ се прекинува, бидејќи не е во надлежност на таа земја. Како што истакна, Германија ќе ја продолжи истрагата.