Skip to content
Барак Обама имаше само пофални зборови и комплименти за Ангела Меркел за време на промоцијата на мемоарите „Слобода. Спомени 1954 – 2021 година“ на поранешната германска канцеларка во Вашингтон.
„Покрај тоа што сте аналитичка и љубопитна, вие сте многу љубезна и пријателска личност. Но, не би рекол дека не сте нужно екстроверт. Знаете, вие сте резервирани“, рече Обама обраќајќи се кон Ангела Меркел.
„Сите вие треба да знаете дека една од работите во кои најмногу уживав во работата со канцеларката Меркел е дека таа строго се држи до фактите и студиозните анализи“, рече Обама, исто така, обраќајќи им се на толпата.
На настанот со минималистичка сцена со две столчиња и две мали маси Обама објасни дека Меркел ќе зборува германски за време на настанот, а нејзините одговори потоа ќе се преведуваат на англиски.
„Треба да знаете дека нејзиниот англиски е одличен и дека никогаш не користиме преведувачи. Но, таа е исто така многу прецизна личност и сака да се погрижи да ги среди работите точно“, рече Обама.
„И претседателот е многу прецизен“, возврати Меркел подоцна во разговорот. „Тој е адвокат“, рече таа низ смеа, додавајќи дека не можете да се расправате со него или да разговарате со него „кога не сте прецизни. Тоа ми се допадна кај него“.
Опсежниот разговор се осврна повеќе теми опфатени во мемоарите на Меркел, но не и на неодамнешните избори во САД или на прислушкувањето на мобилниот телефон на Меркел од страна бна Националната агенција за безбедност (НСА) за време на администрацијата на Обама.
