Девет апарати за игри на среќа, како и 405 делови за одржување, се запленети откако увозник се обидел да ги прошверцува помеѓу пријавена стока за увозно царинење во царинската испостава Гевгелија.
![](https://mia.mk/articles/images/%D1%81%D0%BF%D1%80%D0%B5%D1%87%D0%B5%D0%BD%D1%88%D0%B2%D0%B5%D1%80%D1%86%D0%BD%D0%B0%D0%B0%D0%BF%D0%B0%D1%80%D0%B0%D1%82%D0%B8%D0%B7%D0%B0%D0%B8%D0%B3%D1%80%D0%B8%D0%BD%D0%B0%D1%81%D1%80%D0%B5%D1%9C%D0%B0%D0%BD%D0%B0%D1%86%D0%B0%D1%80%D0%B8%D0%BD%D1%81%D0%BA%D0%B0%D1%82%D0%B0%D0%B8%D1%81%D0%BF%D0%BE%D1%81%D1%82%D0%B0%D0%B2%D0%B0%D0%B3%D0%B5%D0%B2%D0%B32qu3z/X8hXrUJPi/large.webp?use_watermark=0)
Како што соопшти Царинската управа, апаратите заедно со деловите за одржување се откриени при детална контрола којашто е извршена од страна на Мобилен тим на Секторот за контрола и истраги.
Против фирмата увозник на опрема за казина и автомат клубови се поднесени соодветни пријави заради прекршување на царинските регулативи.
Од Царинската управа велат дека во рамки на своите надлежности континуирано преземаат активности за спречување на шверц и сива економија.