Skip to content
Трофејниот турски тренер Ергин Атаман ја заврши својата кариера во Панатинаикос, откако тимот не успеа да ја освои ниту домашната титула.
Тој го презеде Панатинаикос во летото 2023 година како дел од амбициозен тригодишен проект за целосна обнова на клубот, а резултатите пристигнаа многу брзо.
За три години на „зелената“ клупа, тој ја освои Евролигата во 2024 година, во следната играше на Фајнал Фор турнирот, ја освои титулата грчки шампион и два национални купа.
Сепак, сезоната 2025/26 беше оценета како големо разочарување. Панатинаикос не успеа да се квалификува за Завршниот турнир во Евролигата, а изостанаа и резултатите што се очекуваа од тимот составен за самиот врв на европската кошарка.
Атаман претходно навести дека нема да остане во Атина доколку тимот не успее да ги освои најголемите трофеи, па разделбата стана реална опција по завршувањето на сезоната.
И покрај ова, односите меѓу него и Јанакопулос останаа одлични, поради што одлуката беше донесена во пријателска атмосфера, тврдат грчките медиуми.
Патанаикос се збогува со трофејниот тренер со емотивно видео, потсетувајќи се на сите успеси што ги донесе во клубот, вклучувајќи ја и седмата титула на Европското првенство.
Заминувањето на Атаман повторно ги разгоре шпекулациите за можно враќање на Жељко Обрадовиќ на клупата на ПАО, но засега се уште нема никакви потврдени информации за можен кам бек на српскиот тренер
