Skip to content
Жителите на три улици во Карпош од вечерва може да останат без вода околу 20 часа поради планирана интервенција на водоводната мрежа на улицата „Никола Парапунов“.
Екипите на ЈП „Водовод и канализација“ треба да започнат со работа денес, 26 јуни, во 18 часот, доколку бидат исполнети потребните технички услови. Предвидена е санација на два затворачи со профил Ф 400 и Ф 500.
За време на интервенцијата без водоснабдување ќе останат корисниците од улицата „Никола Парапунов“, како и делови од улиците „Разловечко Востание“ и „Вич“.
Нормализирањето на водоснабдувањето се очекува околу 12 часот во сабота, 27 јуни. Доколку техничките предуслови не бидат исполнети, интервенцијата ќе биде одложена, информираат од Општина Карпош.
