Skip to content
Ohrid Wine Festival 2026, што ќе се одржи од 25 до 27 јуни на Кеј Македонија пред хотел „Палас“, ја отвора летната сезона со комбинација од врвни вина и богата музичка програма. На сцената ќе настапат Меморија, Дани Димитровска, Битолски камерен оркестар, „Суперхикс“ и уште многу музичари кои ќе се погрижат за атмосферата.
Во винскиот дел од приказната, посебно место зазема Винарија Душа. На нивниот штанд посетителите ќе имаат можност да ги дегустираат Ведрина и Темјаника. Две различни, но комплементарни интерпретации на бело вино, идеални за топла охридска вечер.
Фестивалот носи и дополнителни поволности: акцијата „Купи две вина од Винарија Душа – добиј премиум чаша на подарок“ ќе важи во текот на сите три дена, а тркалото на среќата на штандот ќе донесе уште награди и изненадувања за оние што ќе одлучат да наздрават со Душа.
