Skip to content
На аеродромот Келн-Бон, царинските службеници запреле човек кој се обидел да прошверцува повеќе од 90 отровни гуштери и змии во својот багаж. 45-годишниот мексикански пожарникар изгледал „видливо нервозен“ додека минувал низ зелениот коридор, наменет за патници кои немаат стока за пријавување, пишува Би-Би-Си.
Полицајците прво го тестирале за дрога. Откако тестот бил позитивен на кокаин, го пребарале неговиот куфер. Не пронашле наркотици во багажот, но пронашле скорпии, ѕвечарки и други видови змии и гуштери, вклучувајќи и игуани, во шишиња од шампон и крем, пластични садови и ролни чорапи.
„Моите колеги на аеродромот се навикнати на секакви работи кога станува збор за сувенири во куфери, но никогаш не сме имале случај со 37 живи отровни змии и 55 гуштери од Мексико“, изјавил Јенс Аланд, портпарол на царинската служба во Келн. Аланд додал дека некои животни биле во нехумани услови. Некои од нив починале за време на патувањето од Мексико Сити преку Истанбул.
🐍 Mehr als 90 lebende Giftschlangen und Echsen hat der Kölner Zoll im Koffer eines mexikanischen Feuerwehrmanns gefunden. ❄️ Ein durchgeführter Drogenwischtest an den Handinnenflächen des Mexikaners reagierte positiv auf Kokain. https://t.co/4KUcTcgwdN https://t.co/GFTAFO5tWa
— Der Zoll (@zoll_info) October 15, 2026
Депортација и згрижување на животни
Човекот, чиј идентитет не е објавен, им рекол на службениците дека ги транспортира животните како услуга за познаник од Бразил. Му беше забранет влез во Германија и беше вратен со авион во Истанбул. Преживеаните животни беа згрижени во фарма за змии во Германија.
„Минатата година низ целата земја имавме повеќе од 1.300 заплени кои вклучуваа повеќе од 56.600 заштитени животни и растенија или производи направени од нив“, изјави портпарол на царината.
Пред шест години, царинските службеници пронајдоа 26 ретки влекачи на истиот аеродром, од кои десет беа мртви, скриени во пакети со играчки и слатки од Мексико. Овие животни беа наменети за приватни купувачи во Германија.
