Skip to content
Новата Влада на Северна Македонија не ја потпишала заедничката изјава со којашто 36 европски земји ја повикуваат Владата на Грузија да го повлече Законот за транспарентност за странски влијанија, популарно наречен „закон против странски агенти“.
Според објавата на Постојаната мисија на Литванија во Советот за човекови права на Обединетите нации во Женева, со тоа Северна Македонија им се придружила на Словачка, Србија и Унгарија, како земји кои не ја потпишеле оваа иницијатива со која се осудува законот кој претставува закана за граѓанското општество, човековите права и владеењето на правото и ја оддалечува Грузија од нејзиното членство во ЕУ.
Во изјавата што во име на 36 земји, меѓу кои сите земји членки на ЕУ, плус САД, Канада и Велика Британија и други европски земји, без Унгарија, Србија и Словачка, ја иницираше Литванија, се вели дека со Законот за транспарентност за странски влијанија, Владата на Грузија има за цел да ја „замолчи“ работата на медиумите, организациите за заштита на човековите права и на другите граѓански организации.
Земјите потписнички, освен отповикување на законот, ја повикаа владата во Тбилиси да ги запре процесите против новинарите, граѓанските активисти и другите граѓани коишто протестираа против донесувањето на законот и да се истражат сите случаи на насилство што беа применети против овие граѓани.
Како што е познато, ваков „закон против странски агенти“ беше донесен во Руската Федерација со декрет на претседателот Путин.
2/2🧵
— Lithuanian Permanent Mission in Geneva (@LtGva) June 28, 2024
Full list of countries supporting the joint statement read today at #HRC56 pic.twitter.com/2u3Ancac5e
