Видео снимка го прикажува моментот на експлозијата пред домот на Раде Штекли

Порталот 4News објави видео од безбедносна камера која, според нив, го прикажува моментот на експлозијата на експлозивна направа во дворот на домот на Раде Трајковски-Штекли.

На снимката се гледа лице кое се движи низ дворот со куче. Во моментот кога излегува од портата, на видеото се забележува чад. Времето на камерата е означено како 9:16 часот, а датумот е 14 ноември 2024 година.

Експлозијата се случила пред неколку дена во скопската населба Ќерамидница, при што повреден бил Раде Трајковски-Штекли.

Штекли е контроверзна фигура која во 2021 година беше уапсена во Белград поради поврзување со убиство во Македонија, а за него имаше распишано и меѓународна потерница. Лани, во април, кон него беа регистрирани два неуспешни обида за атентат во трговскиот центар Ист гејт мол.

Оваа експлозија, според првичните сомнежи, можеби е нов обид за ликвидација. Сепак, истрагата е во тек, а официјалните информации засега се ограничени.