Зошто беше спречен концертот на „Танец“ во 2006 година?

Марко Коловски, нашиот познат музиколог и поранешен директор на Националниот ансамбл Танец во периодот од 2002 до 2006 година, во објава на социјалните мрежи потсети дека во 2006 година, тогашниот министер за култура Илиријан Бекири од ДПА, во тогашната влада на ВМРО-ДПМНЕ го сречил одржувањето на концертот на нашиот глобално прославен ансамбла на народни персни и игри.

„По неверојатниот успех на новогодишниот концерт од претходната, 2005-та година (две целосно распродадени сали на МОБ, со цена на билети од 1.000 денари, – нешто слично како денешни 3.000), тогашните пријатели и спонзори на „Танец“ – ТУТУНСКИ КОМБИНАТ – Скопје, ЕУРОТАБАК – Скопје, Дуна компјутери – Скопје и КЛС Продукција – Скопје, решија да застанат уште посилно зад овој проект на Танец, кој веќе беше играчки компетитивен (а уметнички посилен!) со тогаш светски познатите   Lord of the dance и со Огновите од Анадолија“, напиша Коловски.

Како гостин на концертот бил предвиден и Тоше Проески, а целата концепција, која го носеше насловот СИНТЕЗИ 2, и требаше да биде (и ќе беше) скалило погоре од оној од пред една година.

„Како и да е, да не должам. На 1. декември, тогашниот Министер за култура Илиријан Беќири (сосема јасно – по туѓ налог), донесе решение што de facto значеше спречување на одржување на концертот. Реакциите на јавноста потоа веќе се историја на која малкумина се сеќаваат, а во мојата архива останаа ликовните решенија на веќе отпечатените над 1000 покани, кои во оваа објава за прв пат ќе ги види јавноста (однадвор и одвнатре). За ук и за наук!“, потсетува Марко Коловски.

Во прилог на објавата, Коловски ја приложува поканата и флаерот за концертот на кои има информација дека на двата концерти кои биле предвидени, на репертоарот биле предвиени 20 различни кореографии.

„Дваесет! И уште наЈмалку толку на другите концерти. Каков репертоарски раскош!“, напиша нашиот познат музиколог и поранешен директор на Националниот ансамбл Танец во периодот од 2002 до 2006 година Марко Коловски.