Skip to content
Студентската листа во Србија ја презеде предноста на Полимаркет, каде што шансите за нејзина изборна победа достигнаа 59 проценти. Наглата промена на платформата за обложување се случува во текот на гласањето, обележано со голем одѕив и долги редици пред избирачките места.
На графиконот се гледа остар раст на шансите на студентската листа од околу 30 на речиси 60 проценти. Истовремено, листата „Александар Вучиќ, Обединета Србија“, која претходно беше фаворит со околу 70 проценти, падна на околу 42 проценти.
Високата излезеност беше забележлива уште во првите часови од гласањето. Според ЦеСИД и Ипсос, до 11 часот гласале 27,3 проценти од избирачите, наспроти 15,1 процент во истиот период на парламентарните избори во 2023 година.
Обложувањето на Полимаркет се однесува на тоа која листа ќе освои најмногу пратенички места. Процентите ги одразуваат очекувањата на учесниците на платформата и не покажуваат со колкава разлика би победила листата.
