Откриено што пишува во писмото на Бајден до Трамп

Доналд Трамп за Фокс њуз ја откри содржината на писмото што Џо Бајден му го оставил во фиоката на неговото биро во Овалната соба. Писмото започнува со „Почитуван претседателе Трамп“.

„Додека се збогувам со оваа света функција, вам и на вашето семејство ви посакувам се најдобро во следните четири години. Американскиот народ – и луѓето ширум светот – бараат од овој Дом цврстина во неизбежните бури на историјата, и тоа е мојата молитва следните години да бидат време на просперитет.“ „…мир и благодат за нашата нација нека ве благослови и води Бог како што ја благослови и ја водеше нашата сакана земја од нашето основање“, се вели во писмото на Бајден.

Писмото е потпишано „Џо Бајден“ и датира од 20 јануари 2025 година. Трамп го пронашол писмото – бел плик со бројот 47 – кога новинарот Питер Дуси во понеделникот го прашал дали Бајден му оставил писмо. „Можеби е. Зарем не го оставаат на маса? Не знам“, одговорил Трамп пред да го најде писмото.