Дали Трамп со овој потег го налути Кси Џингпинг? Непријателот на Кина доаѓа во Америка, во прашање се милијарди долари! 

Американскиот претседател Доналд Трамп објави дека тајванскиот производител на полупроводници Taiwan Semiconductor Manufacturing Co. (TSMC), ќе инвестира дополнителни 100 милијарди долари во производство на чипови во САД во следните четири години. Оваа инвестиција доаѓа како додаток на претходно најавените 65 милијарди долари. TSMC, најголемиот светски производител на полупроводници, планира да изгради пет нови производствени погони во Аризона, каде што веќе започна масовното производство на чипови од 4 нанометри. 

Оваа експанзија има за цел да ја намали зависноста од производството на чипови во странство и да ја зајакне американската технолошка инфраструктура. 

Претседателот Трамп ја истакна важноста на домашното производство на чипови за економската безбедност на земјата, нагласувајќи дека оваа инвестиција е клучна за зајакнување на американската производствена база. Трамп најави и воведување царини од 25 отсто за увоз од Мексико и Канада, со цел да се поттикне домашното производство и да се намали употребата на странски добавувачи. 

Оваа инвестиција се очекува да отвори илјадници работни места во Аризона и дополнително да ја зацврсти позицијата на САД како лидер во производството на напредни технологии. Кинеското прашање Инвестицијата е значајна и поради геополитичкиот контекст, поточно тензиите меѓу Кина и Тајван, кои дополнително се интензивираа во последните години. 

Кина го смета Тајван за своја територија и не исклучува употреба на сила за повторно обединување, додека САД сè поотворено го поддржуваат Тајван, вклучително и зајакнување на врските и соработката во стратешките сектори како што е производството на чипови. 

На конференцијата на која ја презентираше инвестицијата, Трамп одби да одговори на прашањето дали претходно разговарал за оваа голема инвестиција со кинескиот претседател Кси Џинпинг. За TSMC, како клучна компанија во глобалниот синџир на снабдување со полупроводници, префрлањето на дел од своето производство во САД и овозможува да го намали ризикот во случај на кинеска блокада или конфликт и обезбедува постабилно снабдување на Запад во случај на ескалација на кризата.