„Ќе умрат илјадници луѓе“: Украинците „скршени“ по замрзнувањето на воената помош на Трамп! 

Одлуката на Доналд Трамп да ја прекине воената помош за Украина беше опишана како „катастрофална“ од украинскиот пратеник Олексеј Гончаренко, за Скај њуз и дека како резултат на тоа „ќе умрат илјадници луѓе ќе умрат“.

„Разбирам дека имаме криза во односите по состанокот во петокот во Овалната соба, но сакам да го замолам Доналд Трамп да ја преиспита оваа одлука… Можеби само да ни даде малку време да најдеме решение бидејќи ова е катастрофално за нас“, му рекол Олексеј Гончаренко на водителот Вилфред Фрост. 

Тој додаде дека одлуката на Трамп ќе го „охрабри“ рускиот претседател Владимир Путин и дополнително ќе ги продлабочи поделбите. 

„Ние мора да ги излечиме овие поделби, мора да соработуваме со Америка, мора да бидеме заедно“, нагласи тој. 

На прашањето дали Володимир Зеленски треба да се повлече, Гончаренко потсети дека Зеленски по изборите во 2019 година изјавил дека нема да бара нов мандат. „Мислам дека е време да се потсетиме на тоа и можеби јавно да кажеме дека изборите ќе се одржат по завршувањето на војната. Мислам дека, барем треба да размисли да не се кандидира“, рече тој.ReplyForward