Skip to content
Украинскиот претседател Володимир Зеленски денеска телефонски разговараше со словенечкиот премиер Роберт Голоб за планот за првите чекори кон праведен и одржлив мир и истакна дека тој ќе биде готов во блиска иднина.
„Разговарав со словенечкиот премиер Роберт Голоб за да го информирам за лидерскиот самит во Лондон и да разговараме за нашите заеднички напори. Подготвуваме план за првите чекори кон праведен и одржлив мир. Работиме на тоа со забрзано темпо. Планот ќе биде готов во блиска иднина“, напиша Зеленски на платформата Икс.
Тој истакна дека Европа има заедничка визија за завршување на војната и обезбедување безбедност и дека таа треба да биде присутна во идните преговори заедно со Украина и САД.
