Skip to content
Здружението на инженери на Македонија поднесе претставка до Регулаторната комисија за енергетика (РКЕ), барајќи измени во правилата за снабдување со електрична енергија, со цел да се спречат неправедните наплати и дополнителната заработка на ЕВН.
Тие бараат:
Воведување месечно отчитување на броилата, како што е предвидено за другите категории во Тарифниот систем за дистрибуција.
Доколку броилото не биде отчитано, ЕВН да издава фактура од 420 денари со прикажување на 0 kWh потрошувачка, а по реалното отчитување, потрошувачот да добие коригирана фактура.
Според инженерите, со воведувањето на блок-тарифите во 2022 година и кварталното отчитување, многу домаќинства се внесуваат во повисоки ценовни блокови, што ги зголемува нивните сметки. Ова води до неоправдана дополнителна заработка за ЕВН, која, според нивните проценки, може да достигне и до 2 милиони евра годишно.
Од Здружението нагласуваат дека РКЕ има обврска да ги заштити потрошувачите и да обезбеди фер наплата според реалната потрошувачка.
