Skip to content
Според проценките на американскиот неделник Newsweek, евентуалната купопродажба на Гренланд од Данска би ја чинела американската влада над 2,2 милијарди долари, со годишни исплати од преку 600 милиони долари.
Во текстот се наведува дека оваа бројка е добиена со споредување на понудата што претседателот Хари Труман ѝ ја дал на Данска во 1946 година – 100 милиони долари во злато, што во денешна вредност изнесува околу 1,6 милијарди долари. На тоа се додаваат предлозите од администрацијата на Доналд Трамп, кој предложил годишни надоместоци од 600 милиони долари, како дел од можниот договор за откуп на островот.
Иако Трамп често се спомнува во медиумите поради овој предлог, тој не е првиот американски претседател кој покажал интерес за Гренланд – стратегиски важен остров кој и денес се смета за геополитички атрактивен поради својата локација, природните ресурси и воено значење.
Паралелно: замрзнати средства за Харвард
Во контекст на актуелните политички случувања, американската администрација соопштила дека ќе замрзне 2,2 милијарди долари во повеќегодишни федерални грантови и дополнителни 60 милиони долари од договори со Харвардскиот универзитет. Оваа одлука доаѓа откако универзитетот одбил да ги прифати политичките барања на администрацијата, кои вклучуваат:
-укинување на програмите за различност, еднаквост и инклузија,
-забрана за носење маски за време на студентски протести,
-нови правила за вработување и упис базирани на заслуги,
-намалување на влијанието на професори и администратори обвинети за „активизам наместо научна работа“.
Деканот на Харвард, Алан Гарбер, соопшти дека универзитетот ќе ја брани својата независност и уставно загарантираните права, и нема да прифати договор со федералната влада кој го нарушува академскиот интегритет.
Белата куќа го оправдува овој потег како дел од напорите за спречување на антисемитизам на универзитетските кампуси, особено по зголемениот број инциденти по избувнувањето на конфликтот меѓу Израел и Хамас.
