Skip to content
Учениците ќе имаат можност да уживаат во летни активности, рекреација и дружење со врсниците во едно од најубавите детски одморалишта на Охридското Езеро.
Сто и четириесет ученици од основните училишта во Општина Кисела Вода заминаа на седумдневно бесплатно летување во одморалиштето „Детски радости“ во Свети Стефан, Охрид.
За нивното безбедно и пријатно престојување ќе се грижат наставници, аниматори и рекреатори, како и медицинско лице кое ќе го следи нивното здравје.
Станува збор за деца од семејства со пониски приходи, еднородителски семејства и семејства кои користат социјална помош. Целта на проектот е овозможување еднакви можности и позитивни искуства за сите ученици, без оглед на нивната социјална положба.
Покрај летувањето, општината најавува и други активности за учениците, како бесплатни ранчиња и училиштен прибор за првачињата, бесплатни униформи за сите основци, како и дополнителни едукативни и спортски програми.