Пожарот кај Берово локализиран, селата повеќе не се во опасност

Голем шумски пожар што вечерва го загрози Беровско е ставен под контрола. Екипите на Територијалната противпожарна единица и на „Национални шуми“ остануваат на терен и во текот на ноќта со цел огнот целосно да се изгаси, информира директорот на Дирекцијата за заштита и спасување (ДЗС), Стојанче Ангелов.

„Доколку пожарот продолжи и утре, ќе бидат вклучени еден армиски и еден полициски хеликоптер, како и два авиони ‘ер трактор’ на ДЗС. Подготвени се и три возила пинцгауер, а по потреба и дополнителна механизација“, изјави Ангелов.

Пожарот избувна на месноста Гарваново Андак, поради што Општина Берово претходно вечерва преку социјалните мрежи апелираше до граѓаните да помогнат во неговото гаснење.