Њујорк не е ист после 11 септември 2001

Во Њујорк денеска ќе се одбележи 21 годишнината од терористичките напади од 11 септември кои засекогаш го променија градот и Соединетите Американски Држави.

Годишното читање на имиња и моменти на молчење ќе се одржи во Споменикот и музејот на 11 септември во Долен Менхетен.

Тоа е тажна церемонија кога жителите на Њујорк и нацијата се заколнуваат дека „никогаш нема да заборават“ што се случило тој ден, кога терористи извршија координирани напади врз Светскиот трговски центар во Њујорк и врз Пентагон во Арлингтон, Вирџинија.

Деветнаесет терористи од исламистичката екстремистичка група Ал Каеда киднапираа четири авиони, намерно уривајќи два од нив во кулите близначки на Светскиот трговски центар, а друг во Пентагон.

Четвртиот киднапиран авион се упатил кон зградата на американскиот Капитол во Вашингтон, но патниците и членовите на екипажот се спротивставиле и тој се урна во празно поле во Пенсилванија.

Нападите се случија на денот на прелиминарните избори во градот, помалку од една недела откако учениците се вратија на училиште во новата учебна годината. Избирачките места се отворија во 6 часот наутро тоа утро, само неколку часа пред да се случи трагедијата.

Летот 11 се урна во Северната кула во 8:46 часот наутро, а потоа летот 175 ја погоди Јужната кула 17 минути подоцна во 9:03 часот наутро.

Киднапираните авиони се запалија по ударот, а интензитетот на нивното горење на авионското гориво предизвика уривање на двете кули.

Церемонијата на молк денеска ќе трае шест минути колку што траеше паѓањето на двете кули.

Покрај Кулите Близначки, уште пет згради беа уништени од штетата во Светскиот трговски центар. Напорите за чистење траеја со месеци, а последното парче челик беше церемонијално отстрането на 30 мај 2002 година.

Бројот на луѓе убиени на 11 септември беше најголем број жртви на американска почва

Во нападите загинаа 2.977 луѓе од 90 различни земји.

Повеќето од нив – 2.753 – беа убиени во Њујорк, додека 184 беа убиени во Пентагон, а 40 беа убиени на летот 93.

Светскиот трговски центар беше симбол на глобалната економска моќ на Америка, а Кулите Близначки беа највисоките згради во градот. Некаде помеѓу 16.400 и 18.000 луѓе беа во комплексот во тоа време.

Ова беа најсмртоносните напади досега на американска почва, по повеќе од 2.400 Американци убиени во јапонскиот напад врз Перл Харбор во 1941 година. Само пандемии или природни катастрофи одзедоа повеќе животи во САД.

Светскиот трговски центар беше нападнат и во 1993 година, кога терористите детонираа комбе под земја, убивајќи шест лица и повредувајќи илјадници.