Растот на економија во Албанија оди на 4% во 2025 година

Економијата на Албанија порасна за 3,79% во 2025 година, а градежниот сектор е главен двигател на растот, според податоците на INSTAT.

Во четвртиот квартал, бруто домашниот производ се зголеми за 3,80%, при што нето даноците на производите најмногу придонесоа за растот. Градежништвото порасна за 7,36%, додека секторот за јавна администрација, образование и здравство забележа уште посилен раст од 8,30%.

Позитивни движења беа забележани и во голем број други клучни сектори, вклучувајќи ги недвижностите, финансиските услуги, трговијата, транспортот и туризмот. Во исто време, пад беше регистриран во земјоделството, индустријата, енергетиката, секторот за вода и комуникациите.

Во однос на странските директни инвестиции, Холандија ја задржува својата позиција како најголем инвеститор во земјата. Податоците на централната банка покажуваат дека во 2025 година, компаниите со холандско учество инвестирале 202 милиони евра, што претставува раст од 14,8% во споредба со претходната година.

Вкупниот обем на холандски инвестиции во албанската економија достигнува 2,76 милијарди евра, или зголемување од 8,5% на годишно ниво, со нивно најсилно присуство во енергетскиот сектор и рударската индустрија.