Значително поевтинување на горивата: Бензините паѓаат за 7 денари, дизелот 5,5

Регулаторната комисија за енергетика одлучи од полноќ малопродажните цени на нафтените деривати да се намалат во просек за 7,51 отсто. Двата бензина поевтинуваат за седум денари по литар, а цената на дизелот се намалува за 5,50 денари.

Согласно новата одлука на регулаторот, литар Еуросупер БС-95 од полноќ ќе се точи по цена од 86,00 денари, додека новата цена на Еуросупер БС-98 ќе изнесува 88,00 денари за литар.

Цената на Еуродизел БС се намалува за 5,50 денари и ќе изнесува 94,50 денари по литар. Екстра лесното масло за домаќинство поевтинува за 6,50 денари и новата малопродажна цена ќе биде 103,50 денари за литар. Мазутот М-1 НС бележи пад од 6,261 денари, со што неговата цена изнесува 49,312 денари за килограм. Новите максимални цени ќе важат од 10 ноември 2026 година, со почеток од 00:01 часот.

Падот на цените следува по значителното намалување на референтните цени на нафтените деривати на светските берзи во изминатиот период. Кај бензините е регистрирано просечно намалување за 12,34 отсто, кај дизелот за 6,78 отсто, а кај екстра лесното масло за 7,83 отсто. Воедно, курсот на денарот во однос на доларот бележи пад од околу 0,52 отсто.

Во пресметката на новите цени влијание имаат и даночните мерки. Применет е намален износ на акцизата од два денари за литар кај бензините и од четири денари кај дизелот, како и повластена стапка на ДДВ од 10 отсто за дизел горивото.